பாகற்காய் குழம்பு
பாகற்காய் என்றாலே கசப்பு தான் நினைவுக்கு வரும். ஆனால் இந்த குழம்பு என்றால், எங்கள் வீட்டில் அனைவரும் விரும்பி சாப்பிடும் ஒன்று. அம்மா sepcial . மற்ற குழம்பு வகைகளில் கை பக்குவத்தின் வித்தியாசம் தெரிந்தாலும், இந்த குழம்பின் கை பக்குவம் மட்டும் அம்மாவிடம் இருந்து அப்படியே ஒட்டி கொண்டு விட்டது !!! . நீங்களும் சமைத்து பாருங்கள். உங்களுக்கும் இந்த குழம்பு நிச்சயம் பிடிக்கும் என்பதில் சந்தேகமே இல்லை.
 |
பாகற்காய் குழம்புதேவையான பொருட்கள் :பாகற்காய் -2 அல்லது 3சின்ன வெங்காயம் -20 பூண்டு பற்கள் -10 இஞ்சி -1 துண்டு தக்காளி பழம் -3 புளி-ஒரு எழுமிச்சம் பழம் அளவு தேங்காய் துருவல் -1/2 மூடி வெந்தையம் -1 & 1/2 ஸ்பூன் சீரகம் -1/2 ஸ்பூன் கடுகு -1/2 ஸ்பூன் மிளகாய் தூள் -2 அல்லது 3 ஸ்பூன் மல்லி தூள் -2 அல்லது 3 ஸ்பூன் மஞ்சள் தூள் -1 சிட்டிகை கருவேப்பில்லை -சிறிது நல்லெண்ணெய் -4 ஸ்பூன் உப்பு -தேவையான அளவு செய்முறை :ஒரு அடி கனமான வாணலியில் நல்லெண்ணெய் ஊற்றி காய்ந்ததும் ,கடுகை போட்டு தாளித்து, கடுகு வெடித்ததும், வெந்தயம், சீரகம் இவற்றை போட்டு பொறிய விடவும். பொன்னிறமாக பொறிந்ததும் , அதில் பாகற்காயை நன்றாக கழுவி உள்ளிருக்கும் விதைகளை நீக்கி விட்டு ,சிறு சிறு துண்டுகளாக நறுக்கி அவற்றை போட்டு நன்றாக வதக்கவும் . அடுப்பை சிம் -இல் வைத்து குறைந்தது 15 முதல் 20 நிமிடங்கள் வதக்க வேண்டும் .தேவையெனில் சிறிது உப்பு சேர்த்து கொள்ளலாம் . பாகற்காய் நிறம் சிறிது மாறி இளம் பச்சையாகி வேகும் வரை வதக்க வேண்டும் . பின்பு அதில் பொடியாக நறுக்கி வைத்துள்ள சின்ன வெங்காயம் மற்றும் 4 பூண்டு பற்களை போட்டு மீண்டும் வதக்கவும் . வெங்காயம் நன்றாக வதக்கிய பின்பு பொடியாக நறுக்கிய தக்காளி பழங்களை போட்டு நன்றாக வதக்கி அதில் மஞ்சள் தூள் ,மல்லி தூள் ,மிளகாய் தூள் இவற்றை போட்டு நன்றாக வதக்கி விட வேண்டும் . இந்த கலவையில் இருந்து எண்ணெய் பிரிந்து வரும் . அப்போது ,கரைத்து வைத்துள்ள புளி கரைசலை ஊற்றி ஒரு 5 நிமிடம் இந்த கலவையை கொதிக்க விட வேண்டும் . நன்கு கொதித்ததும் ,அதில் தேங்காய் ,மீதி உள்ள பூண்டு பற்கள் ,ஒரு துண்டு இஞ்சி இவற்றை போட்டு அரைத்து அந்த மசாலாவை ,கொதிக்கும் பாகற்காய் கலவையில் ஊற்றி பச்சை வாசனை நீங்கும் வரை மீண்டும் கொதிக்க விட்டு ,கருவேப்பில்லை தூவி இறக்கவும் . இப்போது பாகற்காய் குழம்பு ரெடி . குறிப்பு :20 நிமிடங்கள் வதக்குவதினால் நிச்சயம் கசப்பு இருக்காது . |